في العالم العربي تعيش
في العالم العربي تعيش كما قط ساكن تحت عربية
عينين ما تشفش من الدنيا دي حاجة إلا الجزم...
في العالم العربي تعيش ، كما بهلوان السيرك
تحتك بهلوان، دايس عليه، وفوق دماغك بهلوان دايس عليك.. والكل واقف محترم..
في العالم العربي تعيش مباراة بقالها الف عام
لعيبة تجري يمين و شمال،
و الكورة طول الوقت في ايدين الحكم..
في العالم العربي تقول للبنت حبيتك، و هي تكون بيحبك، تناولك بالقلم
في العالم العربي تعيش،تشتم في المية والطعمية، والقهوة وروادها
و في مراتك و أولادها..
وفي اللي بيعمله إبليس، وفي التفليس،
ولو سألوك تقول الحمد لله ربنا يديمها نعم،
في العالم العربي تعيش بتبص في الساعة وخايف نشرة الأخبار تفوت..
علشان تشوف ع الشاشة ناس
في العالم العربي تموت
